Azərbaycanın İran İslam Respublikasındakı Səfirliyində
törədilmiş terror aktı İran molla rejiminin terrorçu mahiyyətini göstərməklə
yanaşı, Azərbaycana düşmən dövlət olduğunu aşkar şəkildə təsdiq etmiş oldu. Hər
bir dövlətin xarici dövlətdəki səfirliyi həmin dövlətin ərazisi hesab edilir və
yerləşdiyi dövlətin hüquq-mühafizə orqanları tərəfindən qorunur. Bu 1991- ci
ildə qəbul olunmuş Vyana Konvensiyasının tələbidir. Özünü dövlət
adlandran hər bir beynalxalq hüququn subyekti səfirliyin mənsub olduğu
dövlətə münasibətindən asılı olmayaraq məlum Konvensiyanı imzalamaqla bu tələbə
əməl etməyə borcludur. İran molla rejiminin törətdiyi bu terror aktı təsdiq
edir ki, özünü sözdə islam dövləti adlandıran bu quruluş dövlət ərkanında
tamamilə uzaqdır. Onlar necə ki, müqəddəs dinimiz olan İslam dinini özlərinin
çirkin niyyətlərinə alət etmişlər, eyni qaydada dövlət ərkanını da istismar
edir, rəqiblərinə qarşı dövlətin imkanlarlndan istifadə edirlər. İran fars
rejimini mahiyyəti heç zaman dəyişməyib, Azərbaycan
ikiyə parçalanandan bu günə qədər xalqımıza qarşı iyrənc məhvetmə siyasəti
aparılmış, daima Azırbaycana düşmən kəsilmiş qüvvələrlə bir səngərdə qərar tutmuşdular.
Cənubi Azərbaycanda yaşayan soydaşlarımıza sərgilədikləri münasibət, istər
birinci, istərsə də ikinci Qarabağ müharibəsində ermənilərin yanında olmaları
bu farsların Azərbaycan xalqına və dövlətinə münasibətinin göstəricisidir.
Bizim gözəl atalar sözümüz var: "Dostunu mənə göstər, deyim sən
kimsın".

        Şuşanın ermənilər tərəfindən işğalı zamanı
Azərbaycanın o dövrdəki rəhbəri Yaqub Məmmədovu İrana dəvət edib, Ermənistanla
separat danşışıqlar aparan həmin İran idi. Torpaqlarımız
işğala məruz qalanda da yaşayış məntəqələrimizi, dini və mədəni abidələrimizi
dağıdan da həmin İran idi. İşğal altında olan torpaqlarlmızda
kənd təsərrüfatı məhsulları, əsasən də narkotik bitkilər becərən də həmin İran
idi. Birinci Qaravağ müharibəsində Ermənistana silah-sursat,
yanacaq verən İran rejimi Azırbaycana humanitar yardım adı altında soxularaq,
insanların faciəvi durumundan istifafə edərək özü üçün din pərdəsi altında casus
şəbəkəsi hazırlamaqla məşğul idi. Dinimizin bildirdiyinə görə
şeytan insanlara 4 tərəfdən; öndən, arxadan, soldan və sağdan yaxınlaşır. Bunlardan
ən təhlükəlisi şeytanın insana sağdan yanaşması hesab edilir.
Çünkü sağdan yanaşma, din pərdəsi altında yanaşmadır. İran rejiminin əməlləri
təsdiq edir ki, bunlar əsl şeytanın hökmlərini icra edən və ya şeytanın tam kəndisidirlər.

      44 günlük Vətən müharibəsi bu şeytan
rejiminin üzündəki
maskasını
cırmış oldu. Ordumuzun Zəngilan istiqamətində irəliləməsi zamanı Ordumuzun önünə
çıxaraq əngəl olmaları, buna görə də döyüş əməliyyatının istiqamətini dəyişmək məcburiyyətində qaldığımızı, müharibə ərəfəsində və
müharibədən
sonra Ermənistana silah-sursat,
yanacaq və ərzaq yardımının edilməsi, Zəngəzur dəhlizinin açılmasına israrla əngəl
olmaları, 44
günlük Vətən müharibəsindən
dərhal sonra Azərbaycan sərhədi boyunca hərbi təlimlərin keçirilməsi, Təbrizdə
Ermənistan,
Qafanda İran səfirliklərinin
açılnası, İran rejimini mahiyyətini göstərir.

      Yuxarıda sadaladığım faktlar
və hadisənin videogörüntüləri
Azərbaycanın
İrandakı
səfirliyində baş vermiş qanlı hadisəsini terror aktı olduğuna heç bir şübhə
yeri qoymur. Video-görüntüdən
də görünür ki, İran xüsusi xidmət
orqanlarının hazırladığı və
müxtəlif qurumların birgə icra etdiyi terror aktıdır. Məncə bu terror aktı
İranın aşkar şəkildə bu terror aktını törətdiyini bəlli etmək
üçün törədilib. Məqsəddə Azərbaycanla aşkar şəkildə konfrantasiyaya
girmək üçündür. Səfirliyimizin
mühafizə xidməti əməkdaşlarının qəhrəmanlığı sayəsində əvvəlcədən müəyyənləşdirilmiş ssenari üzrə terror aktı törədilə bilmədi. Plan məncə
belə olmuşdur ki, səfirliyin
bütün əməkdaşları
məhv edilməli, səfirliyin binası isə yandırılmalı idi. İran
rejimi bu terror aktında bir nəfəri qətlə yetirildiyindən bu terror aktının
müxtəlif uydurmalarla özlərindən
kənarlaşdırmaq yolunu seçdilər.

Cənab Prezident
İlham Əliyevin Azərbaycanın İrandakı Səfirliyində törədilmiş hadisiyə terror aktı kimi
qiymət
verməsi
hadisənin İran molla rejimini tərəfindən törədildiyinə açıq mesajdır.

    Dünyanın hər hansı bir yerində
yaşamasından, siyasi dünyagörüşündən və fəaliyyət növündən aslı olmayaraq İran
molla rejiminin əsl mahiyyətini bilməli və mövqeyimizi açıq şəkildə ifadə etməliyik.
Necə ki, Cənab
Prezidentimizin ətrafında dəmir yumruğa çevrilərək tarixi torpaqlarımızı erməni işğalçılarından azad
etdik, cənublu-şimallı bir araya gələrək fars, molla rejiminin də sonunu gətirməliyik!...

Vahid ƏLİYEV,YAP Xocalı rayon təşkilatının sədri